Басты бет › esepTM бағдарламасы

esepTM — бухгалтерияның бүкіл жұмысы көрінетін бағдарлама

Оны өз бухгалтериямыз үшін жаздық және бәріне аштық. Есеп, құжаттар, мерзімдер және хат алмасу — бір терезеде, телефоннан, орнатусыз.

Бұдан былай не істемейсіз

Жүргізушіге қоймаға сенімхат, клиентке шот, аяқталған жұмыс бойынша акт — әрбір осындай қағаз үшін бухгалтерге не заңгерге барып, күтеді. esepTM-де оларды адам өзі жазып береді: кімге және не үшін екенін таңдады — құжат дайын, оны бірден WhatsApp арқылы жіберуге болады.

Клиент өз бухгалтериясы туралы әдетте екі нәрсені біледі: «бәрін тапсырдық» және шоттағы сома. Нақты не істелгені, не жұмыста екені және қандай мерзімдер жақындағаны — сөз жүзінде қалады. Біз бағдарламаны оған уәдемен емес, экранмен жауап беру үшін жаздық.

esepTM «ESEP CONSULTING ASTANA» ЖШС-нің өз жұмысы үшін жасалған және өз ісін өзі жүргізетіндердің бәріне ашық. Өз клиенттерімізді де осы бағдарламада жүргіземіз — айырмашылық тек түймені кім басатынында: адамның өзі ме, әлде оның орнына біздің бухгалтер ме.

Не дұрыс шығады

Ұзаққа созылатыны емес, дұрыс жасалмай, кейін түсіндіруге тура келетіні қорқынышты. Сондықтан реттік нөмірді, карточкадағы деректемелерді, негіздеме мен мерзімді бағдарламаның өзі қояды, ал сенімхаттағы жеке куәлік деректері кадр карточкасынан қойылады.

Мерзімдерді де есте сақтаудың қажеті жоқ: еңбек шартының аяқталуын, сынақ мерзімін, медициналық тексеруді, ЭЦҚ мерзімін бағдарлама сіздің деректеріңізден есептеп, алдын ала ескертеді. Ал контрагент туралы мемлекеттік тізімдер не айтатыны шартқа қол қойылғаннан кейін емес, оған дейін көрінеді.

Бұл қанша тұрады

Тегін. Тариф таңдап, карта қалдырудың қажеті жоқ — тіркелу кезінде мұндай нәрсе тіпті жоқ.

Бағдарлама өшірілмейді. Енгізілгеннің бәрі орнында қалады, құжаттар көрінеді және жүктеледі. Жаңасына қойылатын шектеулер мынадай:

• айына 10 шот, 10 акт, 10 жүкқұжат және 10 шарт — әр түрі бөлек есептеледі;
• бағдарламаға рұқсаты бар 3 адамға дейін;
• анықтамалықта 100 контрагент;
• айына МКК арқылы 30 контрагент тексеру;
• 30 кадр карточкасы;
• файлдар мен сканерленген құжаттарға 150 МБ.

Бұл аз болып қалса, бағдарламада «Старт» және «Команда» ақылы тарифтері бар: оларға не кіреді және қанша тұрады. Кез келген күні ауысуға болады, ол үшін фирманы қайта тіркеудің қажеті жоқ.

Ішінде не бар

Жұмыс көрінеді, айтып берілмейді

Басты экран — «ай × жұмыс түрі» кестесі. Жолдарда — жұмыс түрлері, бағандарда — айлар, ұяшықтарда — күйі: істелді, жұмыста, басталмаған. Оны бухгалтер де, клиенттің директоры да бірдей көреді.

Қатарында — мерзімдер: шарттар, ЭЦҚ, лицензиялар, сақтандыру. Күндер тізімі емес, кері санақ, әрі ескерту алдын ала келеді.

Құжаттар теріліп емес, жиналып шығады

Клиент пен қызметті таңдадыңыз — құжат дайын, деректемелер карточкадан қойылды. PDF-ті бірден WhatsApp арқылы жіберуге болады.

• төлеуге шот, орындалған жұмыстар актісі, жүкқұжат;
• сенімхат — жеке куәлік деректері кадр карточкасынан алынады, оларды телефондағы суреттен көшірмейді;
• бұйрықтар, өтініштер, келісімдер, штаттық кесте;
• іссапар құжаттары: бұйрық, тапсырма, аванстық есеп;
• фирмалық бланктегі хаттар — мөрмен және қолтаңбамен, әрі қолтаңба бекітілгеннен кейін ғана пайда болады.

Шарттар — бөтен файлды түзету емес, құрастырғыш

Жеті бланк: жалдау, дайындау, мердігерлік, жеткізу және үш шеңберлік — қызметтер, құрылыс-монтаж жұмыстары, техника. Сіз шарттар туралы сұрақтарға жауап бересіз, бағдарлама шартты құрастырады.

Кадрлар: бағдарлама кадр маманының орнына есінде сақтайды

Кадр мерзімдерін ешкім қолмен енгізбейді — бағдарлама оларды шарт пен карточкадан өзі есептейді:

• мерзімді еңбек шартының аяқталуы;
• сынақ мерзімі;
• медициналық тексеру;
• шетелдік қызметкерге жұмыс рұқсаты.

Жеке іс сол сәтте жиналады: шарт, бұйрықтар, өтініштер, анықтамалар, сканерленген құжаттар — адам бойынша бар нәрсенің бәрі. Жетіспейтіні де көрінеді: диплом бар, куәлік бар, әскери билет жоқ. Тізімдеме бір түймемен басып шығарылады. Жеке істі тек кадр маманы мен бірінші басшы көреді — бұл дербес деректер.

Табель — әдеттегі Т-13 нысаны бойынша: бес күндік жұмыс аптасы және мерекелер ауысқанда түзетілетін Қазақстан мерекелерінің анықтамалығы. Қазақстанда бірыңғай міндетті нысан жоқ — жұмыс беруші өзінікін бекітеді, — бірақ Т-13-ті жиі алады, онда талап етілетіннің бәрі бар. Демалыстар, ауру парақтары және іссапарлар өзі қойылады.

Контрагент қол қойғанға дейін көрінеді

Контрагент карточкасында мемлекеттік тәуекел тізімдері көрсетіледі: әрекет етуші ме, салық берешегі бар ма, өткен жылдардағы шешімдер бойынша жалған кәсіпорын деп танылған ба, жосықсыз жеткізушілер тізілімінде жоқ па. Тізімдер тәулігіне бір рет толық алынып, бізде сақталады, сондықтан экран бөтен сервердің жауабын күтпейді.

Деректер

• сервер Қазақстанда;
• әр компанияның дерекқорда жеке қоймасы бар, жазба кімдікі екенін белгілейтін ортақ кесте емес;
• әр қызметкер тек өзіне тиесілісін ғана көреді;
• жойылған нәрсе себетке түседі, оны тек бірінші басшы тазалай алады;
• кім нені өзгертті және жойды — жазылады;
• барлық деректің көшірмесі күн сайын кешкі 19:00-де жасалып, 30 күн сақталады.

Бір ғана құжат керек, ал әзірге тіркелгіңіз келмей ме? Шотты, актіні және сенімхатты тіркелусіз толтырып, Word-та жүктеп алуға болады: құжат бланкілері.

Жиі қойылатын сұрақтар